Kung Ikaw Lamang Ay S a N A
Sipunin si Nene noong una ko'ng masilayan
Binigyan mo ng ngiti ang tikom na makipot na labi
Kulay ng pisngi ay nag-iba, malarosas kapag ika'y nakikita
At sa bawat ngiti ng mapanukso mong labi
Di mawari, pakiramdam ko ang kagustuhang mayakap mo muli!
Naging isa, tinadhana ng Lumikha
Buong pagkatao isinuko pati ang kaluluwa
Tamis ng pagmamahalan binabalik-balikan
Sinumpaang pagmamahalan, malayang ipinaramdam.
Halakhak na dulot ng malikot na isip
Lalong napalapit sa iniibig
Bawat luha na pumatak
Buong pusong niyakap, inunawa, tinanggap.
Mahal kita... saiyo ako ay gustong humabi ng SANA
Hanap ka lagi ng puso, laman ng isip, nasa ng pagkatao
Ikaw na tila kasukat ng katawan, kahati ng pagkatao,
at sa pag-iisa ng mga kaluluwang tunay na nagmamahalan!
Kung IKAW lamang ay SANA
humabi na ako ng pangarap na TAYO ngang dalawa
Magkahawak-kamay na tatahakin
mamuhay sa mundo ng walang hahamakin!
Subalit heto tayo, kasalukuyang nakakahon
Ikaw sa mundo mo na bigla ay sinubok ng pagkalito
Mahal mo ba siya o ako ba...
O mamaalam na sa pagmamahalang walang kasing-sarap na pinagsaluhan?
Ramdam ko ang pagbabago mo
ngunit naiintindihan ko
tanikala mo'y hindi kailanman mapapatid
lalagi ka na lamang AKIN sa panaginip...
Kung ikaw lamang ay SANA...
Alam ko, tayo ay magiging maligaya.
Ngunit...
Akala ko nung una ang SANA ay pag-asa.
Inner Whispers
|