Wag
Wag
Sekond minuut, na uur na dag
‘n Dag na nag, na week verwag
Poseer die mag terwyl ek wag
Totdat ek sag jou woord hoor lag
Vir liefde, week na maand na jaar
wag soekend hard deur die gevaar.
Die hart soek ook maar wag reeds daar
Die kop het nog nie oor gevaar
Wat help die wagery ‘n mens?
Die wag verwag ook maar ‘n wens
Soos wag-‘n-bietjie tydloos staan
soek tyd ‘n hart om te vermaan
‘n hart klop op sy eie tyd
Die brein bereken net sy spyt
Sinkronisasie sal bepaal
of brein se pas die hart gaan haal
Of wie gaan wag en wie gaan keer
Die kop vir hart - en die hart - vir seer…
|